O alumnado do primeiro ciclo da ESO vén de facer unha viaxe de dous días á cidade da Coruña no marco do Proxecto de Inmersión Lingüística organizado polo Equipo de Normalización e Dinamización Lingüística e o Departamento de Actividades Complementarias Extraescolares. Magnífica a visita á Coruña e o resto de actividades organizadas polo IES Agra do Orzán (A Coruña), a quen agradecemos a boa acollida e mandamos un saúdo.
25/5/09
Proxecto de Inmersión Lingüística 21-22 maio 2009
O alumnado do primeiro ciclo da ESO vén de facer unha viaxe de dous días á cidade da Coruña no marco do Proxecto de Inmersión Lingüística organizado polo Equipo de Normalización e Dinamización Lingüística e o Departamento de Actividades Complementarias Extraescolares. Magnífica a visita á Coruña e o resto de actividades organizadas polo IES Agra do Orzán (A Coruña), a quen agradecemos a boa acollida e mandamos un saúdo.
21/5/09
Deseño de vivendas unifamiliares
Alumnado: 4º ESO Educación Plástica Visual.
Escala 1:50. Debuxo 50 veces mais pequeno ca realidade.
Planta baixa: Salón-comedor, cociña, baño, habitación, despensa, tendedeiro. Planta superior: 2-3 habitacions con armario, vestidor, baño, biblioteca ou sala xogos. Escaleira 2 tramos.
Planta en rectángulo, en L... Balcón ou galeria.
2.- Vistas exteriores a escala 1:100, con vista de frente ou ALZADO, lateral ou PERFIL e dende arriba ou PLANTA.
Cálculo de tellado a 4 augas. 2 trapecios e 2 triángulos. Obter altura do trapecio do perfil, e bases do alzado ou planta.
3.- Construir unha maqueta a escala 1:50.
Ventás e porta correspondense cos planos previos..
Materiais: cartón pluma e cartón reciclado para base de paredes e tellado. Madeira, pedra...
A cuberta do tellado ten diversas solucións: lousas individuais con cartulina, ou mesmo lousas a escala, moi traballadas; cartón ondulado, de cor laranxa, imitando tellas; espaguetis...
Paredes de cartulina, fotos impresas de paredes de pedra, ou pedra cortada.
Detalles en ventás, textura paredes, esquinas, tellados.
Enerxías renovables: Paneis solares fotovoltaicos e/ou térmicos, no tellado ou parcela.
Detalles exteriores: personalizado con imaxinación. Mesas, columpios, pistas deporte, camiños, piscina, garaxe, valados, xardín, antena, buzón, canalóns, pozo, chemineas... Horta, céspede, árbores, parra, rocha...
20/5/09
LETRAS GALEGAS 2009
Por Montse Rey Saa.
PROXECTO TERRA
28/4/09
VISITA EXPOSICION ASTRONOMIA, A Rúa 27/04/09
23/4/09
VIAXE TEMATICA A MADRID (BACHARELATO) DO 01 Ó 03 DE ABRIL DE 2009
17/3/09
TORRE - DOMUS - ACUARIO, A Coruña 14/11/2008
FÓRUM ORIENTA - A Coruña 13/02/09
O día 13 de Febreiro do 2009, os rapaces e rapazas de 1º e 2º de bacharelato do I.E.S Carlos Casares internámonos nunha intrepidante aventura: levantarnos ás 7 da mañá despois dun largo día (e noite) de Compadres en Viana. Obxectivo: FÓRUM ORIENTA. Lugar: A Coruña. Quedábanos unha boa viaxe por diante!(viaxe que, por certo, un 50% aproveitou para durmir!!).
Despois de dar uns cantos rodeos(jeje), chegamos ao noso destino arredor das 11 (da noite. Que nooon, da mañá!). O autobús deixounos xusto no lugar da “concentración”, onde xa nos esperaba Carlitos, impaciente.
En canto entramos ao recinto, unhas rapazas moi “majas” déronnos unha bolsiña co lema “DA O SALTO” e cun plan de actividades, unha libretiña.....etc. dentro; e, ao alzar a vista....buf!! -Este sitio está plagado de xente-foi, seguramente, o que pensamos todos; e non nos enganabamos, xa que alí había rapaces, rapazas e mestres de institutos de toda Galiza!
O fórum estaba dividido en dúas metades: a primeira relacionada con estudos universitarios, e, a segunda, destinada á Formación Profesional. Na parte de estudos universitarios puidemos atopar dende mesas cheas de boletíns informativos, até un boneco de primeiros auxilios! Había mesiñas e papeis por tódolos lados, ademais de amables monitores/as e orientadores/as animándonos a coller información e dispostos a resolver as nosas dúbidas. As mesiñas clasificábanse segundo as universidades. Así, nunha zona podías informarte de tódalas carreiras dispoñibles na USC (Universidade de Santiago de Compostela), noutra, das da UDC (Universidade Da Coruña), e, noutra distinta, das da UVIGO (Universidade de Vigo).
Na zona de Formación Profesional, pola contra, había máis “acción”. Mentres recorremos toda a exposición, puidemos ver unha gran cantidade de demostracións relacionadas cos distintos estudos que se poden facer en FP: un escenario a modo de sala de informativos, todo un salón de beleza (con perruqueiras, masaxistas e esteticiéns), unha pasarela con pezas de roupa de deseño...e até un coche feito pezas!!
Cara ás 12:30, fomos a unha charla orientativa sobre as PAAU (probas de selectividade), que, penso, nos resultou moi interesante a todos; pois explicáronnos cómo se realizan as probas, os distintos procesos para inscribirse, cómo cubri-la matrícula da universidade, ou cómo recurrir, se é o caso, a nota dun exame. Tamén nos deron obxectos de moita utilidade, como as direccións das páinas web das distintas universidades para obter toda a información que precisemos, e un CD con exames das PAAU de anos anteriores coas súas solucións.Vaia, toda unha axuda!!
Cara ao mediodía, tomamos un pequeno descanso para ir comer e botar un ollo por alí, para despois voltar ao recinto; aínda que esta segunda ronda de tarde foi moito máis relaxada. De feito, pasamos as dúas últimas horas xogando ao badminton, observando a incribles malabaristas (mira que tiñan maña eh!) e incluso houbo algunha que outra que se atreveu a probar cuns zancos de metal e dar un pequeno paseo con eles!! E é que a esas horas da tarde, despois de toda unha mañá paticando polo recinto...quén non estaría canso?
Xa para rematar a xornada, subimos de novo ao autobús, e puxémoslle ao GPS dirección Viana. Para cando chegamos, todos tiñamos unha única idea na mente: DURMIR!! Eso sí, a viaxe de volta, por suposto, estivo animada!! Se é que os de Bacharelato somos os mellores, non hai voltas que darlle!! (mira as fotos).